තාක්ෂණික තොරතුරු මත පමණක් පදනම් නොවී ආපදා තත්ත්වය ඇති වී තිබෙන ප්රදේශ වලට ගොස් තොරතුරු ලබාගෙන පීඩාවට පත් ජනතාවට කඩිනමින් අවශ්ය සහන සේවා සැපයීමට කටයුතු කරන ලෙස ජනාධිපති අනුර කුමාර දිසානායක නිලධාරීන්ට උපදෙස් ලබා දුන්නේය.
ඒ සදහා බිම් මට්ටමේ ශක්තිමත් යාන්ත්රණයක් ඇති කිරීමට කටයුතු කරන ලෙසත් විපතට පත් ජනතාව ආරක්ෂිත මධ්යස්ථානවල රඳවා තබා ගෙන අවශ්ය ආහාර පාන සහ සනීපාරක්ෂක පහසුකම් සැපයීමට අවශ්ය කටයුතු කරන ලෙසද ජනාධිපතිවරයා නිලධාරීන්ට උපදෙස් ලබා දුන්නේය.
එම ජනතාවට සහන සේවා සැපයීමට අවශ්ය තරම් මුදල් වෙන් කරන ලෙසත් අයහපත් කාලගුණය හේතුවෙන් අධි අවධානමක් සහිත උතුරු නැගෙනහිර පළාත් සදහා වැඩි අවධානයක් යොමු කිරීමටද ජනාධිපතිවරයා බලධාරීන්ට දැනුම් දුන්නේය.
උසස් පෙළ විභාගයට පෙනී සිටින දරුවන්ගේ මානසික තත්ත්වය සහ අපහසුතා පිළිබඳ සළකා බලා සුදුසු ක්රියාමාර්ග ගන්නා ලෙසද ජනාධිපතිවරයා අධ්යාපන නිලධාරීන්ට උපදෙස් ලබා දුන්නේය.
දැනට මසුන් ඇල්ලීම සදහා මුහුදට ගොස් සිටින ධීවර ජනතාව පිළිබඳව සොයා බලා ඔවුන්ව සුරක්ෂිතව ගොඩ බිමට ගෙන ඒමට අවශ්ය පහසුකම් ලබාදීමට මෙහිදී අවධානය යොමුකළ අතර විපතට පත් ජනතාව වෙනුවෙන් ගුණාත්මක සේවා සපයමින් එම ජනතාව සම්බන්ධයෙන් පසු විපරම් තොරතුරු ලබා ගැනීමට කටයුතු කරන ලෙසද ජනාධිපතිවරයා උපදෙස් දුන්නේය.
