ප්‍රවාහන වරාය සහ සිවිල් ගුවන් සේවා අමාත්‍යය බිමල් රත්නායක මහතා අද (8) පාර්ලිමේන්තුවේදී පැවසූවේ මේ වනවිට ලංගම බස් ඩිපෝ පනස් පහක් පාඩු ලබමින් පවතින බවයි.
එම ඩිපෝවල කළමනාකරුවන් ඉවත් කිරීමට අවශ්‍ය පියවර ගනිමින් සිටිනා බවද අමාත්‍යවරයා වැඩිදුරටත් පැවසීය.
අමාත්‍යවරයා මෙසේ පැවසුවේ මන්ත්‍රී රෝහිත අබේගුණවර්ධන මහතා මතු කළ ප්‍රශ්නයකට පිළිතුරු දෙමිනි.
මෙම ඩිපෝ ලාභ ලබන තත්වයට පත් කර ගැනීමට ඉදිරිපත් කෙරුණු තවත් යෝජනා දහයක් ඉදිරියේදී ක්‍රියාත්මක කරන බවද අමාත්‍යවරයා පැවසීය.
