පසුගිය ආණ්ඩු සමයේ ඥාති හිතවත්කම් සහ දේශපාලන සබඳතා මත විවිධ රටවලට තානාපති සේවාවන් සදහා යැවූ නිලධාරීන් 16 දෙනකු වහාම ක්රියාත්මක වන පරිදි යළි මෙරටට කැඳවීමට තීරණය කර ඇති අතර ඒ සම්බන්ධව ඔවුන්ට දැනුම් දී ඇත.
ඒ අනුව අමෙරිකා එක්සත් ජනපදයේ ලොස් ඇන්ජලීස් හි ශ්රී ලංකා කොන්සල් ජනරාල්වරයා වශයෙන් කටයුතු කළ වෛද්ය ලලිත් චන්ද්රදාස, චීනයේ ෂැංහයි හි ශ්රී ලංකා කොන්සල් ජනරාල්වරයා වශයෙන් කටයුතු කළ අනුර ප්රනාන්දු, ඉන්දියාවේ චෙන්නායි හි නියෝජ්ය මහකොමසාරිස්වරයා වශයෙන් කටයුතු කළ ආචාර්ය ඩී. වෙන්කටේෂ්වරන්, සවුදි අරාබියාවේ ජෙඩා හි කොන්සල් ජනරාල්වරයා වශයෙන් කටයුතු කළ එස්.එම්.ඒ.එෆ් මවුලානා, අමෙරිකා එක්සත් ජනපදයේ වොෂින්ටන් හි ශ්රී ලංකා තානාපති කාර්යාලයේ සේවය කළ නිශාන් මනික් මුතුක්රිෂ්ණ සහ තෙවැනි ලේකම්වරයා වශයෙන් කටයුතු කළ තාරක දිසානායක මෙරටට කැඳවීමට නියමිතව ඇත.
තවද එක්සත් රාජධානියේ ලන්ඩන් හි ශ්රී ලංකා මහකොමසාරිස් කාර්යාලයේ තෙවැනි ලේකම්වරයා වශයෙන් කටයුතු කළ සෙනිය පුංචිනිලමේ, ප්රංශයේ පැරිස් නුවර ශ්රී ලංකා මහකොමසාරිස් කාර්යාලයේ තෙවැනි ලේකම්වරයා ලෙස කටයුතු කළ සහස්ර බණ්ඩාර, ඉතාලියේ රෝම නුවර පිහිටි තානාපති කාර්යාලයේ තෙවැනි ලේකම්වරිය ලෙස සේවය කළ මෙල්කි චන්දිමා පෙරේරා, ඔස්ට්රේලියාවේ කැන්බරා හි ශ්රී ලංකා මහකොමසාරිස් කාර්යාලයේ තෙවැනි ලේකම්වරිය වශයෙන් සේවය කළ දීනුකා කාර්මලීන් ප්රනාන්දුපුල්ලේ මෙරටට කැඳවීමට නියමිතව ඇත.
තවද රුසියාවේ මොස්කව් හි ශ්රී ලංකා තානාපති කාර්යාලයේ උපදේශක ලෙස සේවය කළ පණ්ඩුල ද සොයිසා, ඉන්දියාවේ නවදිල්ලි හි ශ්රී ලංකා මහකොමසාරිස් කාර්යාලයේ ඇමැති උපදේශක ලෙස සේවය කළ ආචාර්ය අන්වර් මොහොමඩ් හම්දානි, ලෙබනනයේ බීරූට් හි ශ්රී ලංකා තානාපති කාර්යාලයේ තෙවැනි ලේකම් ලෙස සේවය කළ ප්රියංගිකා දිසානායක, තුර්කියේ අන්කාරා හි ශ්රී ලංකා තානාපති කාර්යාලයේ දෙවැනි ලේකම්වරිය ලෙස සේවය කළ යෂ්මින් හිල්මි මොහොමඩ්, නෙදර්ලන්තයේ හේග්හි ශ්රී ලංකා තානාපති කාර්යාලයේ උපදේශක ලෙස කටයුතු කළ අෂ්විනි හපන්ගම, ජර්මනියේ ස්ටොක්හෝම් හි ඇමැති උපදේශකවරයා වශයෙන් සේවය කළ ජනක රණතුංග මෙරටට කැඳවීමට නියමිතව ඇත.
