ඊයේ (05) පස්වරුවේ කොළඹ, නෙළුම් පොකුණ රඟහලේදී පැවති “සිත් රූ- 2025” ප්‍රසංගය සඳහා ජනපති අනුර කුමාර දිසානායක සහභාගී වී තිබෙනවා.
එහිදී ජනපතිවරයා පවසා සිටියේ ශ්‍රී ලංකාව පුරා විසිරී සිටින ආබාධ සහිත පුද්ගලයන් වෙනුවෙන් රජය ක්‍රියාත්මක කරන “එක්ව – අත් නොහැර” ජාතික ප්‍රතිපත්තියට අනුව ඔවුන්ගේ අයිතිවාසිකම් ආරක්ෂා කරමින් සමාජගත කිරීම, සවිබල ගැන්වීම, පුනරුත්ථාපනය සහ රටේ ආර්ථික ප්‍රවාහයේ සක්‍රීය කොටස්කරුවන් ලෙසත්, අභිමානවත් පුරවැසියන් ලෙසත් ජීවත් වීමේ අයිතිය තහවුරු කිරීමට රජය කැපවී සිටින බවයි.
එමෙන්ම ඔහු වැඩිදුරටත් සඳහන් කළේ ආබාධ සහිතවූවන්ගේ සෞන්දර්ය කුසලතා එළිදැක්වීමට නව වේදිකාවක් සලසා දෙමින්, ආත්ම තෘප්තිය සමගින් ඔවුන් ජාතික සහ ජාත්‍යන්තර මට්ටමට ගෙන ඒම වෙනුවෙන් සංවිධානය කෙරෙන මෙවැනි සංස්කෘතික වැඩසටහන් මම බෙහෙවින් අගය කරන බවයි.
එම ප්‍රසංගය අතරතුර ආබාධ සහිත පුද්ගලයෙක් වෙත ජනාධිපතිවරයා ගෞරවාන්විතව සම්මානයක් පිරිනමන අවස්ථාවක ඡායාරූපයක් සමාජ මාධ්‍ය තුල කතාබහට ලක්ව තිබේ.
