පාර්ලිමේන්තු මන්ත්රී නාමල් රාජපක්ෂ ඇතුළු පිරිසකගේ වැරදි වැඩ හේතුවෙන් මන්ත්රී අමරකීර්ති අතුකෝරල මරණයට පත් වූ බවත් තමාගේ නිවාස ගිනිබත් වු බවද පාර්ලිමේන්තු මන්ත්‍රි එස්.එම්.චන්ද්‍රසේන සදහන් කරයි.
මන්ත්‍රි එස්.එම්.චන්ද්‍රසේන තවදුරටත් සදහන් කළේ,
” නාමල් රාජපක්ෂ මන්ත්‍රිතුමා ඉතිහාසය දන්නේ නැහැනේ. 2005 ජනාධිපතිවරණයට එතුමාගේ පියාට ජනාධිපති අපේක්ෂකත්වය නොදි ඉන්න චන්ද්‍රිකා බණ්ඩාරනායක මැතිණිය සුදානම් වුණ අවස්ථාවේදි මම තමයි ඉස්සරලාම යෝජනා කළේ මහින්ද රාජපක්ෂ මහතාගේ නම. ඒ වේලාවේ මම දැඩි අපහසුතාවයකට පත්වුණා. චන්ද්‍රිකා මැතිනිය මට ජනාධිපති මන්දිරයට එන්න කියලා දැඩිලෙස දෝෂාරෝපණය කළා. ඒ විතරක් නෙමෙයි. එතුමාගේ බාප්පා ජනාධිපති කරන්නත් උපරිම උදව් කළා.
ශෙහාන් සේමසිංහ ඇතුළු මන්ත්‍රිවරුන්ගේ ගෙවල් ගිනි ගත්ත එක හොදයි කියලා නාමල් රාජපක්ෂ මහත්තයා කියනවා අපි අහගෙන හිටියා. එයාලගේ වැරදි වැඩ නිසා තමයි අපිට ඒ වගේ තත්වයන්වලට මුහුණ දෙන්න සිද්ධ වුණේ. නාමල් රාජපක්ෂ මහත්තයලගේ වැරදි වැඩ නිසා තමයි අතුකෝරළ මන්ත්රී තුමා වැනි අයට ඒදා ජිවිතය පුජාකරන්න සිද්ධ වුනේ. ඒදා අරගලය දවසේම රැස්විම් පවත්වලා ඒ කරපු කටයුත්ත නිසයි අපට ඒ තත්වයට මුහුණ දෙන්න සිද්ධ වුනේ.
මම කියනවා නාමල් රාජපක්ෂ මහත්තයට අනුරාධපුර දිස්ත්‍රික්කයේ මගේ පුරප්පාඩුව නම් පුරවන්න හම්බ වෙන්නේ නැහැ. නාමල් රාජපක්ෂ මන්ත්‍රි තුමා මට අභියෝග කරන්න රැස්විමක් තියලා තිබුණා.මන්ත්‍රිවරැ දහයක් විතර හිටියා. මේක දේශපාලනය නෙමෙයි. නැවත කල්පනා කරලා බලලා තියපු කකුල ආපස්සට අරන් රනිල් වික්‍රමසිංහ ජනාධිපති තුමත් එක්ක එකතු වෙලා ඊලග මැතිවරණය ජයග්‍රහණය කරන්න කටයුතු කරන්න.”
