රැකියා විරහිත උපාධිධාරීන්ගේ ගැටළුවට ජාතික ජනබලවේග ආණ්ඩුවක් යටතේ නිසි විසඳුම් ලබාදෙන බව එහි නායක පාර්ලිමේන්තු මන්ත්රී අනුර කුමාර දිසානායක මහතා පවසනවා.
එය වර්තමානයේ විශාල ගැටළුවක් බව පෙන්වා දුන් මන්ත්රීවරයා අනාවරණ කළේ දැනට රැකියා විරහිත උපාධිධාරීන් 35,000කට ආසන්න ප්රමාණයක් සිටින බවයි.
ජාතික ජනබලවේගයේ නායක පාර්ලිමේන්තු මන්ත්රී අනුර කුමාර දිසානායක මහතා රැකියා විරහිත උපාධිධාරීන් සමග ඊයේ (08) කොළඹදී පැවති සාකච්ඡාවකදී අදහස් දක්වමින් කියා සිටියේ දිවයින පුරා ගුරු පුරප්පාඩු ද 33,000ක් පවතින බවටයි.
ඒ අනුව ගුරු පුරප්පාඩු පිරවීම සඳහා මූලිකවම අවධානය යොමුකරන බවද ඔහු එහිදී ප්රකාශ කළා.
මීට අමතරව රේගු දෙපාර්තමේන්තුවේ පුරප්පාඩු සහ සංචාරක කර්මාන්තය ආශ්රිතව තිබෙන රැකියා පුරප්පාඩු පිරවීමට කටයුතු කරන බවයි අනුර කුමාර දිසානායක මහතා එහිදී කියා සිටියේ.
ඒ අනුව රැකියා විරහිත උපාධිධාරීන්ට මූලික අවධානය ලබාදෙමින් එම පුරප්පාඩු පිරවීමට සිය ආණ්ඩුවක් යටතේ කටයුතු කරන බවට ඔහු එහිදී සහතික වූවා.